Франция терма жамоаси ва Мадриднинг «Атлетико» клуби ҳужумчиси Антуан Гризманн «Манчестер Юнайтед» клуби томонидан қизиқиш бўлаётганини тан олди ва Погба билан бир жамоада ўйнаш ёқимли эканлигини айтиб ўтди.
«Мен доим Поль Погбадан «Манчестер Юнайтед» ҳақида сўрайман, - Гризманнинг сўзларидан иқтибос келтирмоқда Sky Sports. – "МЮ" буюк жамоа эканлигини жуда яхши биламан. Польдан жамоадаги бир қатор футболчилар ҳақида сўрайман, Моуринью ҳақида қизиқаман. Сизлар «Манчестер Юнайтед» ва «Пари Сен-Жермен» клублари томонидан бўлаётган кўплаб қизиқишлар ҳақида ўқишларинг мумкин, лекин ҳозир тўғрисини айтганда, ўзимни бошқа жамоада кўрмаяпман. Шунга қарамасдан, Поль Погба билан бир жамоада ўйнаш ажойиб бўларди».
