“Манчестер Юнайтед” собиқ ярим ҳимоячиси Пол Скоулз “МЮ” U-23 жамоаси бош мураббийи этиб тайинланиши мумкин. “Daily Mail”нинг ҳабар беришича, ҳозирги вақтда клуб Уоррен Джойснинг ўрнига номзод қидирмоқда ва Скоулз билан шартнома имзолашга тайёр туришибди.
Скоулз 2013 йилда бутсиларини михга илган эди ва ҳозирги кунда ўз фаолиятини британия телевидениясида олиб бормоқда. 41 ёшли мутахассиснинг таъкидлашича, у ўзининг собиқ жамоасида мураббий сифатида ва шу билан бирга телевиденияда ҳам ишлашга тайёр эканлигини айтиб ўтди.
