"Реал" бош мураббийи Зайниддин Зидан ҳужумчи Криштиану Роналду билан муносабатлари қандай эканига ойдинлик киритди.
Эслатиб ўтамиз, футболчи "Лас-Пальмас" (2:2) клубига қарши ўйиннинг 72-дақиқасида алмаштирилгани боис, мураббийга ўз норозилигини намойиш қилганди.
"Криштиану Роналдунинг алмаштирилиши билан боғлиқ вазиятга хотиржам қараб турмагани яхши. Демак, у майдондаги ҳолатга бепарво эмас. Биз бир-биримизни тушуниб олишимиз учун 1 дақиқа етарли бўлди. Мен унга вазиятни тушунтирдим, шунинг учун ҳам хафагарчиликка ўрин қолмади. Ҳеч бир футболчи мавсумдаги 60 ўйинни бир хил, юқори савияда ўтказа олмайди" - деди Зидан.
