Мадриднинг "Атлетико" клуби бош мураббийи Диего Симеоне ЕЧЛ гуруҳ босқичи доирасида "Бавария"га қарши ўтказилган ўйиндан кейинги фикрларини баён қилди.
– Биз кўрсатган ўйинимиздан ва қўлга киритилган натижадан қониқдик. Биз яхши прессинг қўлладик, сабр қилдик ва қарши ҳужумда яхши ўйнадик. Футболчилар барча кўрсатмаларни аъло даражада уддалашди. Биз 90 дақиқада жаҳоннинг энг кучли клубига қарши жадал ҳаракат қилдик, бу - "Атлетико"даги энг сермазмун ўйинларимдан бири бўлди. Бундай жамоага бош мураббийлик қилиш мен учун улкан бахт," - Симеоненинг сўзларидан иқтибос келтирмоқда УЕФА.
