Россиялик таниқли футбол шарҳловчиси Василий Уткин Россия терма жамоаси бош мураббийи Станислав Черчесовдан кечирим сўрашга ошиқмаётганлиги ҳақида гапириб ўтди. Олдин ҳам у терма жамоа бош мураббийини бир неча маротаба танқид қилган эди.
«Негадир ҳамма мендан терма жамоа бош мураббийи Станислав Черчесовдан кечирим сўрашимни кутишмоқда. Асло! Мен барча анализларни фактлар асосида тайёрлайман. Ҳоҳласангиз қабул қилинг, ҳоҳламасангиз йўқ. Ўзининг фаолиятидаги танқидларни қабул қила олмайдиган инсон ҳеч қачон мураббий бўлиб ишлаши керак эмас», - дея изоҳ қолдирди Уткин ўзининг Yotube каналида.
