Ўзбекистон кубоги 1/4 финал "Қўқон-1912" ва "Насаф" (2-2) жавоб ўйинидан сўнг қаршиликлар бош мураббийи Рўзиқул Бердиев ўйин ҳақида ўз фикрларини билдириб ўтди.
"Бугунги ўйинда асосий мақсадим ярим финалга чиқиш эди. Бу билан жамоамиз мухлислари ва футболчиларимизни табриклайман. Бугун жанговор руҳдаги ўйин бўлди. Мезбонларнинг 2:0дан кейин олдинга ўтиб кетишлари бизга қўл келди. Қарши ҳужумда иккита гол урдик.
Бугун жамоамизга янги қабул қилинган футболчилар яхши ўйнашди. Жасур Ҳасанов захирадан майдонга тушиб, ўзига билдирилган ишончларни оқлади," - дейди мураббий.
Эслатиб ўтамиз, кубок ўйинининг чорак финали умумий натижаларига кўра "Насаф" ярим финалга йўл олди.
Манба: kokand1912.uz


