Уларга янги мураббий ҳам ёрдам беролмаяпти.

"Милан" клуби жорий мавсум стартидаги 8 та турда бор йўғи 10 очко тўплади холос.

Opta статистик порталининг хабар беришича бу “россонерилар”нинг сўнгги 7 йил ичидаги энг ёмон старти бўлди.

Айтиш лозимки, миланликлар 2012/13 йилги мавсумнинг дастлабки 8 та турида 7 очко тўплашган ва ўша мавсумни 3-ўринда якунлашган эди.

Айни дамда эса “Милан” 10 очко билан мусобақа жадвалида 12-ўринда бормоқда.

Эслатиб ўтамиз, қониқарсиз натижалардан сўнг Марко Жампаоло “Милан” бош мураббийлигидан истеъфога чиқарилиб, ўрнига Стефано Пиоли тайинланди.