Бугун "Бунёдкор" клуби матбуот вакиллари учун янги футболчиларни таништирув маросимини ўтказмоқда. Ушбу матбуот анжуманида клуб бош директори Мурод Алиев ҳам иштирок этди ва Элдор Шомуродовнинг Ростов билан шартнома имзолаганига изоҳ бериб ўтди.

"Элдор Шомуродов биз билан маслаҳатлашмасдан "Ростов" билан шартнома имзолаб бўлган экан. Бизга "Ростов" унинг трансфери бўйича алоқага чиққанида Шомуродов аллақачон шартномага қўл қўйиб бўлган экан," - дейди Алиев.

Эслатиб ўтамиз, шу ойда асли сурхондарёлик бўлган футболчи "Ростов" клубига кўчиб ўтган эди.

Манба: offsayd.uz