«Химки» клуби ҳужумчиси Даниэль Сикорски у билан бир жамоада тўп сурган топ футболчилар ҳақида эслаб ўтди.

— Алабада Худо томондан берилган иқтидор бор. У билан «Бавария»да бирга бўлган пайтимда ўзидан салбий фикр қолдирмаган. У курашга оч футболчи, бугун кечадан кўра яхши ўйнашни ҳохлайди. Давиднинг буюк чап оёғи бор. Бироқ, ундан кўра техникали футболчиларни кўрганман, — футболчининг сўзларидан иқтибос келтирмоқда «Матч ТВ».

— Кимда зўр бўлганди?

— Дайслерда! Эслайсизми шундай футболчини? Себастьяннинг "Бавария"даги сўнгги йилида боргандим клубга. У нима қила оларди? Ҳамма нарса қила оларди! Мен қачонлардир бирга ўйнаган футболчилар орасида у энг яхши футболчи. Тезкор, ақлли, чап оёқда ҳам, ўнг оёқда ҳам тўпни назорат қила оларди, бош билан ҳам яхши ўйнарди. Афсуски, Дайслерда доим тиззалари оғрирди, энди бу тиззаси тузалса, иккинчиси оғришни бошларди.

— Франк Риберичи?

— Франк майдон узра учарди. бўйи кичкина, лекин қаттиқ футболчи. Риберидан тўпни олиб қўйиш ҳақида ўйламаслик керак, у барибир бермайди.