Ўзбекистон миллий терма жамоаси аъзоси Фозил Мусаев фаолиятини “Насаф” сафида давом эттирадиган бўлди.

Бу ҳақида “Насаф” футбол клуби расмий сайти хабар бермоқда. Расмий сайтдаги ушбу трансфер ҳақидаги хабарда шундай дейилади:

“Фозил Мусаев бундан аввал ҳам “Насаф” сафида фаолият юритган. Эсингизда бўлса, у 2007-2008 ва 2011-2012 йилги мавсумларда ушбу клуб таркибида фаолият олиб борган ва мамлакат чемпионатида кумуш медаль совриндори, икки марта Ўзбекистон Кубоги финалчиси ва 2011 йили ОФК кубоги соҳиби бўлган эди. Шундан сўнг Фозил Мусаев Тошкентнинг “Бунёдкор”, Қатарнинг “Ал-Муайдар”, Тошкентнинг “Локомотив” ва Эроннинг “Сепахон” клубларида фаолият олиб борди”.

Энди ушбу футболчи жорий чемпионатнинг иккинчи даврасидан бошлаб “Насаф” шарафини ҳимоя қилади.

Таъкидлаш керакки, Фозил Мусаев шу кунга қадар Ўзбекистон миллий терма жамоаси сафида 21 ўйинда майдонга тушган.