Натижалар

  • Кеча
  • Бугун
  • Эртага


Ла Лига

МУСОБАҚАЛАР

Фотолавҳалар

Иқтибос

Мен ҳаммага иқтидор жисмоний жиҳатлардан устун эканини исботладим (Хави Эрнандес)

Твиттерда кузатинг

@offsayd_uz

Facebook'даги саҳифамиз

Шота Арвеладзе:

Шота Арвеладзе: "Насаф" ўз ўйин услубига эга жамоа саналади

Шота Арвеладзе: "Насаф" ўз ўйин услубига эга жамоа саналади

Суперлига 3-туридан ўрин олган "Насаф"га қарши баҳс олдидан "Пахтакор" бош мураббийи Шота Арвеладзе учрашув борасидаги ўз фикрларини билдириб ўтди.

"Бизни яна бир қизиқарли ўйин кутиб турибди. "Насаф" ўз ўйин услубига эга жамоа. Улар доим ҳужумкор ва мухлисларга ёқадиган ўйин намойиш қилишга ҳаракат қилишади. Бундай жамоалар билан тўқнаш келиш ҳар доим ёқимли. Таркибида ёшлар билан ўйнашига қарамай, "Насаф"нинг дастлабки икки турдаги ўйини менда илиқ таассурот қолдирди. Улар тўпни назорат қилишга эътибор қаратишган. "Насаф"да тажрибали мураббий ишлаётганини ҳам таъкидлаб ўтаман. Бердиев ўз фалсафасига эга. Доимо футбол ўйнайдиган жамоа шакллантиради. Унинг ишини жуда ҳурмат қиламан.

Биз ўйинга яхши тайёргарлик олиб бордик. Барча футболчилар майдонга тушишга шай ҳолатда, жамоа ўйиндан-ўйинга ўсиб боришга интилмоқда. Бизда рақобат кучли ва исталган пайтда ўзгаришлар содир бўлиши мумкин.

Стадионга мухлислар қайтаётгани ажойиб. Энди нафақат ғалаба учун, балки чиройли ҳаракатлар билан ишқибозларга хурсандчилик улашиш учун ҳам чиройли, ҳужумкор футбол кўрсатишимизга тўғри келади. Футболчиларга тўла стадионда ўйнаш доим мароқли", - деб грузиялик мутахассиснинг сўзларини келтириб ўтди "Пахтакор" матбуот хизмати.

05/04, 12:30 0
Янгиликка алоқадор:
    Фикрингизни билдириш учун рўйхатдан ўтиш ёки профилга кирган бўлишингиз керак

    Сўнгги янгиликлар