Каталониянинг "Барселона" клуби ҳимоячиси Томас Вермален яна Англия премьер-лигасига қайтиши мумкин.
Mundo Deportivo нашри тарқатган хабарга кўра 33 ёшли бельгиялик футболчига "Вест Хэм" ва "Уотфорд" клубларидан қизиқишлар мавжуд. Бироқ, ушбу жамоалар Вермаленга фақатгина 1 йиллик шартнома таклиф қилишмоқда.
Эслатиб ўтамиз, Вермален учун АПЛ бегона эмас. Боиси, у “Барселона”га келгунича “Арсенал” сафида бир неча мавсум тўп сурган.
Маълумот учун, Томас Вермален жорий мавсум “Барселона” сафида жами 11та ўйинда иштирок этди. Унинг клуб билан амалдаги шартномаси ёзда ўз ниҳоясига етади.


