Натижалар

МУСОБАҚАЛАР

Фотолавҳалар

Иқтибос

Футбол — хатолар ўйини. Ким кам хато қилса — ўша ютади (Йохан Кройфф)

Твиттерда кузатинг

Facebook'даги саҳифамиз

Умид Аҳмаджонов Қатар қироллик оиласи таклифига кўра Доҳага жўнаб кетди

Шу йилнинг 24 февраль санасида Марказий Осиё, Эрон ва Афғонистон футбол ассоциациялари, яъни, CAFA президенти этиб сайланган Умид Аҳмаджонов Қатарга жўнаб кетди.

27 апрель куни Қатарнинг икки етакчи клуби — “Ас-Садд” ҳамда “Ал-Дуҳайл” мамлакатнинг Валиаҳд Шаҳзодаси Кубоги финалида майдонга тушади. Умид Аҳмаджонов Қатар қироллик оиласининг таклифига кўра ҳал қилувчи беллашувни фахрий меҳмонлар ложасида кузатиб боради.

Валиаҳд Шаҳзода Кубоги 1995 йилдан буён ўтказиб келинмоқда. Унда Қатар Юлдузлар Лигасининг мавсум якунига кўра энг кучли тўрт клуби ғолиблик учун кураш олиб боради. Қатарнинг барча жамоалари иштирок этиши мумкин бўлган кубок мусобақаси эса Амир Кубоги деб номланади.

Режага кўра, Умид Аҳмаджонов Қатар қироллиги оиласидан ташқари, ЖЧ—2022 ташкилий қўмитаси раҳбарияти билан ҳам кўришади.

Қайд этиш керак, 24 февраль куни Тошкентдаги Hyatt Regency меҳмонхонасида ўтган CAFA конгрессига кузатувчи сифатида Қатар футбол ассоциацияси президенти Ат-Таний Шайх Ҳамад бин Ҳалифа ҳамда ташкилот бош котиби Ал-Ансарий Мансур ташриф буюрганди.

1524718557
Янгиликка алоқадор:
Фикрингизни билдириш учун рўйхатдан ўтиш ёки профилга кирган бўлишингиз керак

Сўнгги янгиликлар