Натижалар

Режалаштирилган ўйинлар йўқ

МУСОБАҚАЛАР

Фотолавҳалар

Иқтибос

Унутманг: Менотти, Билардо ёки Марадонадек мураббийлар келади ва кетади. Ҳақиқий ғолиблар – доим футболчилар. (Диего Марадона)

Твиттерда кузатинг

Facebook'даги саҳифамиз

ОЧ U-23.Ўзбекистон ОТЖ дастлабки учрашувда Қатарга мағлуб бўлди

ОЧ U-23.Ўзбекистон ОТЖ дастлабки учрашувда Қатарга мағлуб бўлди

ОЧ U-23.Ўзбекистон ОТЖ дастлабки учрашувда Қатарга мағлуб бўлди

Ўзбекистон олимпия терма жамоаси Хитойда бўлиб ўтаётган Осиё чемпионатидаги дастлабки учрашувини Қатар терма жамоасига қарши ўтказди.

Вакилларимиз биринчи бўлимни анча фаол ўтказишди. Аммо 1-таймда гол киритиш ҳеч қайси жамоага насиб қилмади. Иккинчи бўлимни қатарликлар ҳужумкор руҳда бошлашди. Бу эса тез орада ўз самарасини берди. 55-дақиқада Алмуаз Али ҳимоячиларимизнинг хатосидан унумли фойдаланиб, ҳисобни очишга муваффақ бўлди.

Шундан сўнг Равшан Ҳайдаров шогирдлари ҳисобни тенглаштириш учун астойидил ҳаракат қилишди. Бир вазиятда Жасур Яхшибоев томонидан узатилган тўпни Забиҳилло Ўринбоев яқин масофадан дарвозага аниқ йўллай олмади.

Шу тариқа Осиё чемпионатидан ўрин олган дастлабки учрашувда вакилларимиз кичик ҳисобда мағлубиятга учрашди.

Эслатиб ўтамиз, гуруҳдан ўрин олган 1-учрашувда Хитой терма жамоаси Уммонни йирик 3:0 ҳисобида таслим этганди.

Ўзбекистон олимпия терма жамоаси гуруҳдаги кейинги ўйинни 12 январь куни ўтказади. Учрашув Тошкент вақти билан соат 13:00да бошланади.

Осиё чемпионати U-23

Қатар ОТЖ - Ўзбекистон ОТЖ 1:0

Гол: А.Алмуаз (55)

Чангжоу, “Olympic Sports Centre” стадиони.

Қатар ОТЖ: 22.Муҳаммад ал-Бакари, 2.Тариқ Салмон, 5.Тамийм ал-Муҳаза, 6.Абдулла ал-Аҳрак (23.Холид Муҳаммад, 72),  8.Аҳмад Муйин (с), 10.Акрам Афиф, 13.Султон ал-Браке, 15.Бассам ал-Равий, 16.Ҳишом Али (Мешал Ал-Шамарий, 85), 19.Алмуиз Али, 20.Салом ал-Ҳажрий.

Ўзбекистон ОТЖ:12.Дилшод Ҳамроев, 13.Исломжон Қобилов, 2.Рустам Ашурматов, 3.Ҳожиакбар Алижонов, 4.Акром Комилов, (16.Д.Нарзуллаев, 52) 6.Азизжон Ғаниев (11. Андрей Сидоров, 84), 7.Одилбек Ҳамробеков, 8.Жасур Яхшибоев, 17.Достон Ҳамдамов (22.Бобур Абдихолиқов, 76), 10.Жавоҳир Сиддиқов, 9.Забиҳилло Ўринбоев.

Огоҳлантиришлар: Д.Ҳамдамов (29), А.Аҳрак (45), М. ал-Бакари (73), Бассам ал-Равий (78).

Манба: the-uff.com

Янгиликка алоқадор:
Фикрингизни билдириш учун рўйхатдан ўтиш ёки профилга кирган бўлишингиз керак

Сўнгги янгиликлар